Zålomon Grass é un power trio de rock, blues e psicodelia formado en Vigo no ano 2020. Cansos do predecible que ás veces semella tornar a escea actual do Hard Rock tanto dentro coma fora das nosas fronteiras, Zålomon Grass fan xirar as engranaxes de sua máquina do tempo e o espazo, dispostos a nos traer sons máis propios de outras épocas e a retomar o legado e o espírito dos primeiros anos 70 do século XX co seu particular, ecléctico, malia certeiro Cosmic Blues.

Teñen un novo e esperado álbum -Space Opera, gravado nos GuitarTown Recording Studios de Hendrik Röver e producido pola mesma banda- Zålomon Grass culminan un ciclo e abren as portas a un universo cheo de posibilidades sonoras cun disco conceptual, rico en matices analóxicos, cheo de velados e sutís homenaxes a obras clásicas do xénero, tanto no lírico coma no musical; consolidando deste xeito o seu estilo persoal e navegando a través dun sonido único, que aborda sen medo todo o espectro do Rock and Roll con maiúsculas, dende as notas máis clásicas aos matices máis vangardistas.